Zittesje Kènjer Kapel Muzikale sjterre van de Basissjool
  • Hoom

    scissors

    De “Zittesje Kènjer Kapel”, besjteit oet alleney leerlinge van de basissjool en brugklas mit eine muzikale hobby! Saer ein paar waeke zeen veer begoosj mit rippetities ònger leijing van Kapelmeister Karin. Veer höbbe al ein aardig rippertoir aan Vastelaovesleidjes op de pepiter sjtaon. En auch dir jaor wille veer natuurlijk flink van òs laote heure!

    Mitdoon?
    Wils doe ouch gaer mit òs mitdoon in de kènjerkapel?  Sjtuur dan eine email nao kenjerkapel@home.nl dan numme veer kontak op!

    Historie

    ’t Waar vastelaovend 2010 wie ich, Karin Colaris, mit ein paar bekende biejein sjtong en sjpontaan ’t idee kreeg , dat ’t toch geweldig zou zeen es ich ein kapel koosj maake mit allefoto23in mer kenjer die nog oppe basissjool zouwe zitte. Mit eine gekke sjlaag zag doe Wendy Kirsch; es doe dat vaerdig krigs dan maak ich patsje veur de kenjer. Mer wie dat zoo kent gaon mit gouw ideeje, woort pas werk gemaak van dit ganse, begin jannewarie 2011. Ich höb get kenjer  gevraog die ich al koosj om mit te doon, en get vereiniginge in Zitterd aangesjreve. Jederein dae mit wol doon waor welkom oppe eesjte rippetisie op zaoterdig 15 Jannewarie in ’t Phillokaal (dat waar henjig,omdat ich dao toch bekans woon!)  Ich waar zeer verrasj dat dao metein 19 kenjer oppe sjtoep sjtonge die gaer mit wolle doon. Nog mee verrasj waar ich wie dees kenjer begoosjte te sjpeele. ’t Waor geweldig, ’t leidje Oukouk sjpeelde ze zonger mankemènte in eine keer aaf.  Dit gouf mich gouwe moud, en ich wos ouch dat ich neit veur niks al die pertiekes veur de kenjer hauw gesjreve , ’t waar direk al ein sukses. ’t Waar eine sjpas wie dees kenjer vol vuur zoute te blaoze en oppe trom sjlouge. Dit maakde dat ich op zuik ben gegaon nao optraejes en de respons dao op waar geweldig. De tweede rippetisie koume noch get kenjer derbie, en noe zeen d’r 26 zeer enthousiastemuzikante biejein.  Veur dit jaor genog.

    Uniform

    Nao ein veurbeeld van Wendy zeen veer aan de sjlaag gegange om patsje te maake veur de kapel. De pap van Wendy, Werner Kirsch maakde de basis van alle patsje, en eine gròp van 8 auwesj haet eine aovend langk de aafwirking verzörg.

    Daobie haet jeder lid ein “badge”gekreege, die oppe bròs , biej ’t hart gedraage wurt.

Comments are closed.